Hvet alla til að kíkja á Rúgbrauð. Ég er kominn með andskotans leið á þessu Wordpress tóli. Hugsa að ég breyti Annaðhvort/Eða í eitthvað nördablogg. Ég kem til með að skrifa mælt mál á Rúgbrauðinu.

http://rug.braud.in/

Upplýsta svæðið eru svalirnar hjá okkur í Vanguard House.

vissirðu að stundum koma börnin út með legkökuna í fanginu?

Ég hef ótrúlega gaman af blogginu hjá Kára Harðarsyni.

Núna er hann í einhverjum erfiðleikum með tækjaflóru nútímastofunnar. HDDVD og BlueRay og HD1080i o.s.fv. Ég er einmitt búinn að vera að pæla mikið í þessu þar sem ég er að græja mína eigin stofu. Ég er svo mikill nördi að það er ægilegt. Vonandi hefur einhver gaman af þessu:

Ég er búinn að liggja með höfuðið í bleyti yfir svipuð vandamáli. Ég er nýfluttur til útlanda og íbúðin heima á Íslandi er í útleigu með öllum græjum. Nú á ég engar græjur og þarf að byrja upp á nýtt. Flestallt sem ég horfi á er hægt að sækja á netinu. Ég nota síðu sem heitir giganews.com til að kaupa aðgang að spegluðu Usenet eða fréttahópum (gamla góða). Svo nota ég newzbin.com til að leita að skjölum sem hafa verið send á fréttahópa og nota svo eitthvert newsgroup forrit sem styður NZB XML staðalinn til að sækja skrárnar.

Ég festi kaup á LCD sjónvarpsskjá frá Philips á Amazon.co.uk í gær. Tækið á að koma á morgun og reynslunni samkvæmt á það að standast. Amazon.co.uk er frábært hérna úti - það þarf ekki að bíða eftir tollinum og borga aukagjöld sem ég kann ekki einu sinni nöfnin á.

Ég ætla svo að tengja fartölvuna mína við imbakassann og spila beint af fartölvunni því hún ræður við flest allt þ.á.m háskerpi 720 línu myndefni.

Undir sjónvarpinu sitja Creative T20 hátalarar sem kostuðu ótrúlega lítið miðað við hljómgæði. Við þá er tengt Airport Express sem iTunes kann að senda hljóð um innranetið til afspilunar. Svo ef fólk er með Linux kassa heima hjá sér er gaman að setja upp mt-daapd (heitir nú Firefly Media Server) sem talar við iTunes.

Síðast en ekki síst er ég að pæla í því að kaupa mér Xbox360. Félagi minn í vinnunni er búinn að gera skriptur sem breyta vídjófælum í eina vídjósniðið sem XboX360 vill lesa. Með þessu móti þarf ekki lengur að drösla fartölvunni að sjónvarpinu í hvert sinn sem maður vill horfa á sjónvarpið. Öllu er hlaðið á harðan disk í XboX360 og einfalt mál að velja úr Media Library fídusnum.

Draumatækið er lítið Linux box með háskerpu video útgangi eins og Apple TV. Tækið þarf að vera með Samba möppu sem maður getur hent öllu á risastóran og uppfæranlegan harðan disk(bónus ef það styður symlink og getur lesið beint yfir netið með Samba). Svo er fjarstýrt viðmót á tækinu þar sem auðvelt er að velja vídjófæl eða tónlist til að spila. Apple TV er mjög svipað þessu nema hvað að þar er allt lokað og bara eftir höfði Apple.

Svona er síðan án auglýsinga. Smellið á myndina.

Félagi minn Rúnar Kárason er með snilldarblogg á ronkoo.blogspot.com. Hann er með einskonar líkamsræktardagbók í gangi. Hann díteilar allar æfingarnar sínar í handboltanum og lyftingum með nokkur tips inn á milli ásamt góðum vídjóum. Strákurinn er að komast í feiknarform eftir hryggbrot og ég get ekki betur séð en að hér sé heimsklasa íþróttamaður í mótun. Það verður gaman að fylgjast með þessu. Þarna um daginn var vídjó sem hann tók af sjálfum sér í einhverjum jötunæfingum. Ég vil sjá meira af þessu og þá jafnvel með útskýringum.

Kári added you as a friend on Facebook.  We need you to confirm that you are, in fact, friends with Kári.

To confirm this friend request, follow the link below:
http://www.facebook.com/n/?reqs.php

Thanks,
The Facebook Team

Ókei ég veit ég er búinn að blogga pínu um þetta. Sorry. Ég bara þoli ekki The Secret.

The Secret er annars vegar með ein góð skilaboð “hugsaðu jákvætt og markvisst”.  Hinsvegar er fullt af ósannleik og hálfsannleik um vísindalegar útskýringar á því hvernig hugsanir einar og sér stjórna veröldinni. Vitnað er í Einstein, Churchill og fleiri stórmenni mannkynssögunnar og þau sögð hafa átt Leyndarmálinu að þakka alla sína velgengni. Jákvæð hugsun ein og sér! Jafnframt þessu staðhæfir höfundurinn að hún hafi t.a.m. misst marga tugi kílóa bara með því að sjá líkama sinn fyrir sér í því ástandi sem hún vildi vera í. Svo hélt hún áfram að borða alveg jafn mikið og hún gerði en allt í einu byrjaði allt að gerast og bara útaf hugsunum hennar. Heimurinn svarar svona eftirspurnum á sama hátt og maður pantar vörur úr auglýsingabæklingi. Maður þarf bara að taka upp símtólið og biðja um það sem maður vill. Allt ókeypis. Svo lengi sem þú hugsar nógu jákvætt og mikið.

Frá markaðsfræðilegu sjónarmiði er bókin/DVD varan ótrúlega vel unnin. Oprah Winfrey var fengin til liðs og svo er engu til sparað í umgjörðinni. Kynningarvídjóið fyrir DVD diskinn er svona “teaser” þar sem eitthvað leyniskjal - augljóslega Leyndarmálið sjálft - fer á milli manna í fornöld. Einstein tekur við bréfinu og felur það gætilega í skúffunni á einkaleyfisstofunni í Swiss. Svo er Abraham Lincoln sjálfur kominn með það í hendurnar og verður forseti Bandaríkjanna. Áhorfandinn hugsar með sér í taugastrekktri forvitni “Hvaða leyndarmál hafa þessi stórmenni að geyma sem enginn má sjá? Get ég orðið stórmenni ef leyniskjalið væri í mínum fórum?”. Svo kemur svona sprenging eins og í hasarmyndaauglýsingu og eftir situr insiglað leyniskjalið með áletruninni “The Secret - out now”. Tilbúið til neyslu. “Jess! Öll þessi ár og loksins geta ég verið stórmenni eins og Einstein og Lincoln.”

Okei. Hér höfum við það sem markaðssérfræðingar eru meistarar í. Þeir geta sagt [mörgum] okkar sömu söguna aftur og aftur. Sagan að við séum ÖLL sérstök ef við bara neytum vörunnar þeirra. Ef við reiðum peningana fram getum við skarað fram úr öllum heiminum. Hefurðu ekki séð auglýsinguna þar sem gaurinn fær sér kók og allur heimurinn bregst við? Það er horft á eftir honum niður allar götur og í lokinn fær hann sætustu stelpuna og beint í sleik takk fyrir. Hér er samt vottur af hreinskilni. Þetta er allt gert í gríni. Kókakóla VITA alveg að við trúum þessu ekki. Þetta er bara kjánaleg auglýsing. Að þessu leiti er Kók og fleiri soldið að gera grín að sjálfum sér. Þetta er allt búið að snúast upp í andhverfu og kaldhæðni. Leyndarmálið hinsvegar, gerir atlögu að því að halda grafalvarlegu andliti þegar það segir fólki sömu sögu. Það er enginn að spauga nema bakvið tjöldin kannski.

Frá vísindalegu sjónvarmiði stenst [auðvitað] ekkert af þessu. Ef til vill væri hægt að færa nokkuð góð rök fyrir því að neikvæður hugsunarháttur nái manni ekki langt og að jákvæður hugsunarháttur verði frekar til þess að maður geri atlögu að þeim markmiðum sem maður setur sér. Þarf samt að borga markaðsfræðingum og svindlurum til að segja sér það? Er ekki hægt að hringja í mömmu eða spjalla við vini sína til að fá hughreystingu?

Meira
http://www.slate.com/id/2165746/